कर्मयोगी बाबासाहेब देशमुख कृषिवेद युवा शेतकरी व युवा कृषि उद्योजक पुरस्कार-२०२६ (मराठवाडा विभाग) साठी नामांकन सुरू
आजची युवा पिढी अनेक आव्हानांना सामोरे जात आपल्या प्रयोगशीलतेने आणि तंत्रज्ञानाचा वापर करून कृषिक्षेत्राला अधिक समृद्ध करण्याचा सातत्याने प्रयत्न करीत आहे. अशा कर्तुत्ववान शेतकर्यांच्या कार्याचा गौरव करण्यासाठी भारतातील अग्रगण्य कृषि विज्ञान केंद्रापैकी एक असलेल्या, संस्कृति संवर्धन मंडळ द्वारा संचालित कृषि विज्ञान केंद्र, सगरोळी ता. बिलोली, जिल्हा नांदेड द्वारे आयोजित कृषिवेद या भव्य कृषिप्रदर्शनाच्या व्यासपीठावरून कृषि क्षेत्रातील तज्ञांच्या शुभहस्ते त्यांचा सन्मान करण्यात येणार आहे. याकरिता खालील श्रेणीमध्ये नामांकन मागविण्यात येत आहेत.
पुरस्काराची श्रेणी :
‘कर्मयोगी बाबासाहेब देशमुख कृषिवेद युवा शेतकरी पुरस्कार २०२६’ (पुरुष/महिला), ‘कर्मयोगी बाबासाहेब देशमुख कृषिवेद युवा कृषि उद्योजक पुरस्कार’ (पुरुष/महिला)वयोमर्यादा:
‘कर्मयोगी बाबासाहेब देशमुख कृषिवेद युवा शेतकरी पुरस्कार २०२६’ (पुरुष/महिला) २५ ते ४० वर्ष ‘कर्मयोगी बाबासाहेब देशमुख कृषिवेद युवा कृषि उद्योजक पुरस्कार’ (पुरुष/महिला) २५ ते ४० वर्षपुरस्काराचे स्वरूप:
प्रत्येकी ११००० रुपये रोख व सन्मानपत्र
प्रस्ताव कोण पाठवू शकतो: 
फक्त मराठवाडा विभागातील पुरुष व महिला शेतकरी, कृषि क्षेत्रातील व्यावसायिक, युवा कृषि उद्योजक, कृषि स्टार्टअप, कृषिविषयक सर्व व्यवसाय, शेतकरी उत्पादक कंपनी, फळ प्रक्रिया उद्योग, कृषि व कृषि उद्योग क्षेत्रात कार्य करणारी व्यक्ती.
प्रस्ताव पाठवतांना: 
पुरस्काराच्या प्रत्येक श्रेणीचा फॉर्म असून त्यासह आपला प्रस्ताव पोस्टाद्वारे, ईमेलद्वारे किंवा व्हॉट्सॲपद्वारे पाठवू शकतात संपूर्ण नाव, पत्ता व आपण राबविलेल्या शेतीतील अथवा कृषि उद्योग व संशोधन क्षेत्रातील विविध उपक्रमांची माहिती, छायाचित्रे, वृत्तपत्रातील कात्रणे आदींसह आपले नामांकन प्रस्ताव पाठवावे.
प्रस्ताव पाठविण्याची अंतिम मुदत दि. ३० डिसेंबर २०२५ (टीप-अंतिम मुदतीनंतर आलेले प्रस्ताव स्वीकारण्यात येणार नाहीत कृपया याची नोंद घ्यावी.) पुरस्कार वितरण: पुरस्कारार्थी निश्चित झाल्यावर कृषि विज्ञान केंद्र सगरोळी द्वारे आयोजित कृषिवेद २०२६ या कार्यक्रमात मान्यवरांच्या हस्ते निवडक पुरस्कारार्थींना हे पुरस्कार प्रदान करण्यात येणार आहेत.
पुरस्कार वितरण ठिकाण: कृषिवेद २०२६, संस्कृति संवर्धन मंडळ द्वारे संचालित कृषि विज्ञान केंद्र, शारदा नगर, सगरोळी, ता. बिलोली, जिल्हा नांदेड-४३१७३१ प्रस्ताव पाठवण्याचा पत्ता: संस्कृति संवर्धन मंडळ द्वारे संचालित, कृषि विज्ञान केंद्र, शारदा नगर, सगरोळी, ता. बिलोली , जिल्हा नांदेड पिन ४३१७३१ईमेल – [email protected] किंवा व्हॉट्सॲप – 8830750398, 8087697117
महत्वाची सूचना: प्रस्ताव पाठवताना अर्धवट पाठवलेले प्रस्ताव ग्राह्य धरण्यात येणार नाहीत. प्रस्तावासोबत सर्व आवश्यक कागदपत्रे पाठवावीत त्याशिवाय प्रस्तावाचा विचार होणार नाही. अंतिम निवड झालेल्या उमेदवाराला पुरस्कार वितरणाच्या आधी भ्रमणध्वनीद्वारे कळविण्यात येईल. अंतिम निवडीचे सर्व अधिकार निवड समितीला राहतील.